میں وضو کرتا ہوں تو کبھی آدھے وضو میں ہوا خارج ہوجاتی ہے،تو اس کے لیے پھر سے شروع سے وضو کرنا پڑے گا یا پھر اسی کو پورا کریں؟ اور میں نماز پڑھتا ہوں تو ہوا خارج ہوجاتی ہے، مجھے ایسا لگتا ہے کبھی کبھی، اور کبھی ہوا خارج ہو بھی جاتی ہے، تو نماز ہوجاتی ہے یا پھر نماز کو توڑ کر وضو کریں، پھر سے نماز ادا کریں؟
اگر وضو میں ہوا خارج ہو جائے تو دوبارہ وضو کرنا ضروری ہے۔
اگر نماز میں ہوا کے نکلنے کا یقین ہو جائے تو وضو اور نماز دہرانا ہوگی۔
"ان الیقین لایزول بالشک، هکذا في شرح منیة المصلي لابراهیم الحلبي"… (الفتاوی الهندیة:٤٧/١) فقط واللہ اعلم
فتوی نمبر : 144003200167
دارالافتاء : جامعہ علوم اسلامیہ علامہ محمد یوسف بنوری ٹاؤن