سوال

 میرے دوست نے اپنی بیوی کو اپنی والدہ کا فریج استعمال کرنے سے منع کیا ہے اور کہا کہ اگر ہاتھ بھی لگایا تو تین شرط طلاق، اب گھر میں ایک ہی فریج ہے، اب یہ شرط کیسے ختم ہو گی کہ طلاق واقع نہ ہو؟

جواب

اگر اس فریج کی طرف اشارہ کرکے مذکورہ جملہ کہا ہے تو اس فریج کو فروخت کرکے دوسرا خرید لیا جائے، اور اگر اشارہ کر کے متعین نہیں کیا تو پھر والدہ سے اس فریج کو خرید لے یا اسے فروخت کرکے دوسرا فریج لے کراپنی  ملکیت میں رکھے والدہ کی ملکیت نہ بنائے، اس کے بعد بیوی فریج استعمال کرے گی تو طلاق واقع نہیں ہوگی۔فقط واللہ اعلم