میاں بیوی ایک ہی صف میں اپنی اپنی نماز جماعت کے بغیر پڑھ رہے ہوں تو کیا بیوی پچھلی صف میں کھڑی ہو تب نماز ہو گی یا برابر کھڑے ہوکر ہی ہو جاتی ہے؟
اگر دونوں اپنی اپنی علیحدہ نماز پڑھ رہے ہیں تو ایک ہی صف میں کھڑے ہونے سے دونوں کی نماز فاسد نہیں ہوگی ، البتہ اگر جگہ کشادہ ہو تو بہتر یہ ہے کہ عورت اپنامصلیٰ قدرے پیچھے کر کے بچھائے۔فقط واللہ اعلم
فتوی نمبر : 143908200120
دارالافتاء : جامعہ علوم اسلامیہ علامہ محمد یوسف بنوری ٹاؤن