سوال

میں نے موبائل فون میں قرآنِ پاک انسٹال کیا ہوا ہے.  کیا موبائل فون میں دیکھ کے قرآنِ پاک کی تلاوت کرنے کے لیے پہلے وضو کرنا لازمی ؟ کیوں کہ جب موبائل فون میں دیکھ کے قرآنِ پاک پڑھتا ہوں تو اگلا صفحہ لانے کے لیے ہاتھ لگاتا ہوں .

جواب

وضو کے بغیر قرآنِ کریم کی تلاو ت  جائز ہے، لیکن قرآنِ کریم کو  وضو کے بغیر ہاتھ لگانا جائز نہیں ہے، اس لیے موبائل کی اسکرین پر اگر قرآنِ کریم  کھلا ہوا ہو تو صفحہ تبدیل کرنے کے لیے اسکرین کو وضو کے بغیر چھونا جائز نہیں ہے ، البتہ اس کے علاوہ  موبائل کے دیگر حصوں کو  (قرآنِ پاک اسکرین پر کھلا ہونے کی صورت میں بھی) مختلف  اطراف  سے بلاوضو چھونا جائز ہے۔ فقط واللہ اعلم