قسطوں پر گاڑی فروخت کرکے زیادہ پیسے وصول کرنا کیسا ہے?
قسطوں پر خریدوفروخت جائز ہے، لیکن اس کے صحیح ہونے کے لیے درج ذیل شرائط کی رعایت ضروری ہے:
۱- معاملہ متعین ہو کہ نقد کا معاملہ کیا جارہا ہے یا ادھار۔
۲- مدت متعین ہو۔
۳- مجموعی قیمت (اور قسط کی رقم) متعین ہو۔
۴- کسی قسط کی ادائیگی میں تاخیر کی صورت میں اس میں اضافہ (جرمانہ) وصول نہ کیا جائے اور قسط جلدی ادا کرنے کی صورت میں کمی نہ کی جائے، اگر معاملہ کرتے وقت یہ شرط لگائی گئی تو پورا معاملہ ہی فاسد ہوجائے گا۔فقط واللہ اعلم
فتوی نمبر : 144107200367
دارالافتاء : جامعہ علوم اسلامیہ علامہ محمد یوسف بنوری ٹاؤن