دو خوب صورت جانور کے برابر پیسوں سے ایک بہت خوب صورت اور بڑا جانور خریدنا کیسا ہے؟
قربانی کے دنوں میں اللہ کے نزدیک سب سے محبوب عبادت قربانی کے جانوروں کا خون بہانا ہے؛ جتنے زیادہ جانوروں کی قربانی ہوگی، اتنا اللہ کا قرب نصیب ہوگا اور یہی زیادہ افضل ہے، لہٰذا صورتِ مسئولہ میں دو خوب صورت اور صحت مند جانور قربان کرنا جن میں قربانی کی شرائط مکمل ہوں، ایک خوب صورت جانور قربان کرنے سے افضل ہوگا۔ البتہ اگر اس قیمت میں دو ایسے جانور آئیں جن میں قربانی کی شرائط مکمل نہ ہوں، یا کم زور جانور ہوں تو پھر ایک صحت مند خوب صورت جانور بہتر ہوگا۔
الفتاوى الهندية (5 / 295):
"اشترى الأضحية بثلاثين درهمًا الشاتان أفضل من واحدة، بخلاف ما إذا اشترى بعشرين حيث كانت الواحدة أفضل؛ لأنه يوجد بثلاثين درهمًا شاتان على ما يجب من إكمال الأضحية في السن والكبر، ولايوجد بعشرين حتى لو وجد كان شراء الشاتين أفضل، ولو لم يوجد بثلاثين كان شراء الواحدة أفضل، كذا في الفتاوى الكبرى". فقط والله أعلم
فتوی نمبر : 144111201875
دارالافتاء : جامعہ علوم اسلامیہ علامہ محمد یوسف بنوری ٹاؤن