عشاء کی نماز اگر رات 2بجے پڑھی جائے تو ہو جاتی ہے؟
شفقِ ابیض کے ختم ہونے کے بعد عشاء کا وقت شروع جاتا ہے، اور صبح صادق تک عشاء کا وقت باقی رہتا ہے، لہذا اس درمیان جب بھی عشاء کی نماز پڑھی جائے گی تو وہ ادا کہلائے گی اور نماز ہوجائےگی۔ البتہ عشاء کی نماز کا وقت ہوتے ہی تہائی رات تک پڑھ لینی چاہیے، یہ مستحب وقت ہے، اور (بلاعذر) آدھی رات کے بعد عشاء کی نماز پڑھنا مکروہِ تحریمی ہے۔ فقط واللہ اعلم
فتوی نمبر : 144104200695
دارالافتاء : جامعہ علوم اسلامیہ علامہ محمد یوسف بنوری ٹاؤن