سوال

میں اپنی بیٹی کا نام رکھنا چاہتا ہوں مہربانی فرما کر راہ نمائی فرمائیں اور درج ذیل ناموں کے مطلب بتا دیں:

عزہ، منسا، مرحا، عزبہ

جواب

"عِزّة"عربی زبان کا لفظ ہے، اس کے معنی غلبہ اور قوت کے ہیں، یہ نام رکھا جاسکتا ہے۔

"مُنسَا"  (اگر میم کے پیش کے ساتھ ہو)عربی زبان کا لفظ ہے، اس کے معنیٰ بھلائی گئی چیز کے ہیں، معنی کے لحاظ سے یہ نام رکھنا مناسب نہیں۔

"مرحا"عربی زبان کا لفظ ہے، عربی قواعد کے لحاظ سے  یہ نام رکھنا مناسب نہیں۔

"عَزَبَة" عربی زبان کا لفظ ہے، عزبہ اس عورت کو کہا جاتا ہے جس کا شوہر نہ ہو، معنی کے لحاظ سے یہ نام رکھنا مناسب نہیں۔

ناموں کے سلسلے میں بہتر یہ ہے کہ صحابیات کے نام رکھے جائیں، چند مشہور صحابیات کے نام یہ ہیں:

" اُمامه . أرویٰ .آمِنَه . بُرَيده . بَرِیْرَه . تَیْما . ثُوَیْبه . جُمانه . جُوَیریه . حَمامه . حَرمَله . حَمنَه . حواء . حسّانه . خالده . خَنساء . خَولَه . دُرّه . ذُرّه . رُبَیِّع. رَمله . رُفَیده . رُقَيْقَةُ . رُمَیثه . رُمَیصاء . رَوضه . رابطه  .زِنّیره . ساره  . سِدره . سَدوس . سُدَیسه . سُعاد . سلامه . سُمَیره . سُمَیکه . سَفّانه . عاتِکه . عَفراء .  عُماره .عَمّاره . فَارعه . فُرَيْعَه . قَیله . لُبابه . ماریه . ماویه . نائله . نَفیسه . هند . یُسَیرَه". فقط و اللہ اعلم