جانور کی کون کون سی ایسی چیزیں ہیں جو کھانا حرام ہے؟
حلال جانور میں سات چیزیں ایسی ہیں جن کا کھانا جائز نہیں ہے، وہ سات چیزیں یہ ہیں:
۱)دمِ مسفوح ، یعنی بہنے والا خون ۔۲)
پیشاب کی جگہ (نر و مادہ کی) ۔
۳)خصیے (فوطے)۔
۴)پاخانے کی جگہ۔
۵)غدود (سخت گوشت، یہ بیماری کی صورت میں گوشت میں پیدا ہوتاہے)۔
۶)مثانہ (پیشاب کی تھیلی)۔
۷)پتہ۔
صاحبِ کنز اور علامہ طحطاوی رحمہما اللہ نے حرام مغز کو بھی حرام اجزاء میں شمار کیا ہے۔ حرام مغز سے مراد دودھ کی طرح ایک سفید ڈوری ہے جو جانور کی پیٹھ کی ہڈی کے اندر کمر سے لے کر گردن تک ہوتی ہے۔فقط واللہ اعلم
فتوی نمبر : 144012200299
دارالافتاء : جامعہ علوم اسلامیہ علامہ محمد یوسف بنوری ٹاؤن