سوال

کیا حلال جانور کے بھی کچھ اجزاء حرام ہوتے ہیں؟ تفصیل سے بیان فرما دیں!

جواب

حلال جانورکی سات چیزیں حرام ہیں جن کا کھاناجائزنہیں ہے:

1۔ دم مسفوح یعنی بہنےوالاخون۔

2۔ پیشاب کی جگہ(نرومادہ کی)۔

3۔ خصیے(فوطے)۔

4۔ پاخانے کی جگہ۔

5۔ غدود(سخت گوشت) یہ ہر جانور میں نہیں ہوتا، بعض اوقات بیماری کی وجہ سے گوشت سخت ہوجاتا ہے۔

6۔ مثانہ(پیشاب کی تھیلی)۔

7۔ پتہ۔

بعض فقہاء نےحرام مغزکوبھی حرام لکھا ہے، لیکن راجح قول یہ ہے کہ یہ حرام نہیں ہے۔ 

کفایت المفتی میں ہے کہ حرام مغز نہ حرام ہے نہ مکروہ۔

پیٹھ کی ہڈی میں کمرسےلےکرگردن تک سفید ڈوری حرام مغزکہلاتی ہے۔ فقط واللہ اعلم