ایک بکری جس کی عمر ۵ سال ہے، لیکن اب اس کا کوئی دانت موجود نہیں، کیا اس سے قربانی ہوسکتی ہے؟ اور کیا دانتوں کا بالکل نہ ہونا عیب تو نہیں؟
جس جانور کی عمر زیادہ ہونے کی وجہ سے سارے دانت گرگئے ہوں، لیکن اسے گھاس و چارہ کھانے میں دقت نہ ہوتی ہو تو اس کی قربانی جائز ہوگی. البتہ اگر وہ اچھی طرح سے گھاس نہ کھا سکتا ہو تو دانت کا جھڑنا منفعتِ کامل نہ ہونے کی وجہ سےعیب شمار ہوگا اور اس کی قربانی جائز نہ ہوگی ؛ لہٰذا صورتِ مسئولہ میں اگر مذکورہ بکری دانتوں کے بغیر چارہ چر سکتی ہو تو اس کی قربانی جائز ہوگی، بصورتِ دیگر قربانی جائز نہ ہوگی، جیساکہ ''فتاوی ہندیہ'' میں ہے:
''و أما الهتماء وهي التي لا أسنان لها، فإن كانت ترعی و تعلف جازت و إلا فلا''. (٥/ ٢٩٨، ط: رشيدية)فقط واللہ اعلم
فتوی نمبر : 144012200107
دارالافتاء : جامعہ علوم اسلامیہ علامہ محمد یوسف بنوری ٹاؤن