ایزی پیسہ ایپلیکیشن کے ذریعے اگر پیٹرول ڈلوایا جائے تو تقریبًا 14 روپے کا فائدہ ہے۔لیکن اس کا طریقہ یہ ہے کہ ان کے کچھ مخصوص پیٹرول پمپس ہیں جہاں پر جاکر آپ نے ایک کوڈ (q r code ) ایپلیکیشن کے ذریعے اسکین کرنا ہے جس کی بنیاد پر 113روپے لیٹر کے پیٹرول پر آپ کو تقریبا 14 روپے کا کیش بیک ملے گا، مطلب یہ ہے کہ پہلے آپ کے ایزی پیسہ اکاونٹ سے 113 روپے کٹیں گے، پھر آپ کے اکاؤنٹ میں 14 روپے واپس آجائیں گے اور آپ کو پیٹرول 99 روپے لیٹر مل جائےگا ۔ تو سوال یہ ہے کہ اس طریقہ سے پیٹرول ڈلوانا کیسا ہے اور 14 روپے جو واپس آئے ہیں اس کا استعمال کرنا جائز ہوگا یا نہیں؟
صورتِ مسئولہ میں اگر مذکورہ سہولت اکاؤنٹ میں مخصوص رقم لگانے کے بعد ملتی ہو تو قرض کے بدلہ نفع ہونے کی وجہ سے ناجائز ہے؛ کیوں کہ یہ سود ہے۔ اور اگر بغیر کسی شرط کے کمپنی خود ہی 14 روپے لوٹا دے تو یہ صورت جائز ہے۔ فقط واللہ اعلم
فتوی نمبر : 144012201253
دارالافتاء : جامعہ علوم اسلامیہ علامہ محمد یوسف بنوری ٹاؤن