اگر شوہر نے بیوی سے کہا کہ تم سسرال گئی تو تم کو تین طلاق، حالاں کہ بیوی سسرال نہیں گئی تو اس صورت میں طلاق ہوئی یا نہیں؟ اگر ہوئی تو کتنی اور کیا طریقہ کار ہوگا؟ برائے مہربانی وضاحت مطلوب ہے۔
صورتِ مسئولہ میں جب بیوی اپنے سسرال نہیں گئی تو کوئی طلاق واقع نہیں ہوئی، تاہم جب کبھی مذکورہ شخص کی بیوی اپنے سسرال جائے گی تو اس پر تین طلاق واقع ہوجائیں گی اور وہ اپنے شوہر پر حرمتِ مغلظہ کے ساتھ حرام ہوجائے گی۔ فقط و اللہ اعلم
فتوی نمبر : 143905200072
دارالافتاء : جامعہ علوم اسلامیہ علامہ محمد یوسف بنوری ٹاؤن