کیا نکاح کے بعد اور رخصتی سے پہلے شوہر بیوی سے ہم بستری کر سکتا ہے؟ اگر بیوی اس پر رضامند نہیں تو اس کے بارے میں کیا حکم ہے؟
نکاح کے بعد لڑکا اور لڑکی دونوں کی حیثیت ایک دوسرے کے لیے شوہر اور بیوی کی ہے، اگرچہ رخصتی نہ ہوئی ہو، اس لیے شرعاً ان کا کسی قسم کا تعلق رکھنا منع نہیں ہے، البتہ بہتر یہ ہے کہ رخصتی سے پہلے ایسے تعلقات سے پرہیز کیا جائے جو خاندان اور معاشرے میں نکاح سے پہلے معیوب سمجھے جاتے ہوں، کیوں کہ بعض اوقات رخصتی سے پہلے بے تکلف تعلقات سے بہت سے مفاسد پیدا ہوجاتے ہیں۔
فتاوی ہندیہ میں ہے:
"ينعقد بالإيجاب والقبول وضعًا للمضي أو وضع أحدهما للمضي والآخر لغيره مستقبلًا كان كالأمر أو حالًا كالمضارع، كذا في النهر الفائق. فإذا قال لها: أتزوجك بكذا، فقالت: قد قبلت يتم النكاح وإن لم يقل الزوج قبلت، كذا في الذخيرة."
(کتاب النکاح: ج:1، ص:270، ط: رشیدیة)
فقط والله أعلم
فتوی نمبر : 144404101949
دارالافتاء : جامعہ علوم اسلامیہ علامہ محمد یوسف بنوری ٹاؤن