کیا رمضان میں روزہ کی حالت میں کو رونا وائرس کی ویکسین لگوائی جا سکتی ہے؟
روزے کی حالت میں انجیکشن ( خواہ رگ میں لگوایا جائے، یا جلد / گوشت میں) لگوانے سے روزہ فاسد نہیں ہوتا، مذکورہ ویکسین چوں کہ بذریعہ سرنچ / انجیکشن لگائی جاتی ہے، لہذا اس کے لگوانے سے روزہ فاسد نہ ہوگا۔
فتاوی شامی میں ہے:
"لأنه أثر داخل من المسام الذي هو خلل البدن، و المفطر إنما هو الداخل من المنافذ للإتفاق على أن من اغتسل في ماء فوجد برده في باطنه أنه لايفطر، و إنما كره الإمام". ( ٢ / ٣٩٥)
فتاوی ہندیہ میں ہے:
"و ما يدخل من مسام البدن من الدهن لايفطر". ( ١ / ٢٠٣)
مزید تفصیل کے لیے دیکھیے:
کرونا ویکسین لگانے کا شرعی حکم
فقط واللہ اعلم
فتوی نمبر : 144208201018
دارالافتاء : جامعہ علوم اسلامیہ علامہ محمد یوسف بنوری ٹاؤن