سوال

قسطوں پر خریدی ہوئی اس زمین کی زکوة کیسے ادا کی جائے  جس کو فروخت کرنے کی نیت ہو اور ابھی تک قسط ادا کرنا باقی ہو؟

جواب

واضح رہے کہ جو زمین قسطوں پر خریدی جاتی ہے تو خریدنے کا معاملہ مکمل ہوتے ہی خریدار اس زمین کا مالک بن جاتا ہے اگر چہ ابھی تک قسط وار رقم ذمہ پہ باقی ہی کیوں نہ ہو، لہٰذا ایسی زمین جس کو فروخت کرکےنفع کمانے کی نیت سے خریدا گیا ہو ، اس زمین کی قیمتِ فروخت پر زکوۃ ادا کرنا واجب ہے   چاہے اس زمین کی مکمل ادائیگی کردی گئی ہو یا کچھ ادائیگی اب تک ذمہ پہ باقی ہو ،البتہ اگر ادائیگی باقی ہے تو زکوٰۃ ادا کرنے کا طریقہ یہ ہو گا کہ مذکورہ زمین کی رواں سال جتنی رقم فروخت کنندہ کے ذمہ باقی ہے اس کو قرض تصور کرکے اس کے کل مال سے منہا کرکے بقیہ  مالیت  کی زکاۃ ادا کی جائے گی ۔

الدر المختار مع حاشیة ابن عابدینمیں ہے:

"(فارغ عن دين له مطالب من جهة العباد) سواء كان لله كزكاة وخراج أو للعبد، ولو كفالة أو مؤجلا.

(قوله أو مؤجلا إلخ) عزاه في المعراج إلى شرح الطحاوي، وقال: وعن أبي حنيفة لا يمنع. وقال الصدر الشهيد: لا رواية فيه، ولكل من المنع وعدمه وجه. زاد القهستاني عن الجواهر: والصحيح أنه غير مانع."

(الدر المختار مع ردا لمحتار: کتاب الزکاۃ، (2/ 261) ط:سعید)

فقط والله اعلم