بِسْمِ اللَّهِ الرَّحْمَنِ الرَّحِيم

9 صفر 1443ھ 17 ستمبر 2021 ء

دارالافتاء

 

بغیر خرافات کے سال گرہ منانا


سوال

بغیر موسیقی اور مرد و عورت کے اختلاط کے صرف اقرباء کو بلا کر کیک وغیرہ کاٹ کر سال گرہ منانا جائز ہے؟

جواب

اگر سال گرہ  منانے  میں خرافات اور ناجائز امور سے اجتناب کیا جائے اور  بطورِ شکرانہ یا ایک تاریخی یادگار  کی تقریب کے طور پر اعزہ   و اقرباء  جمع  ہوجائیں تو فی نفسہ اس کی گنجائش ہے۔

کفایت المفتی میں ہے :

’’یادگار سال (عمر) کے لیے ڈورے میں گرہ باندھنا، بکرے ذبح کرنا، مہمان داری کرنا۔

(جواب) سال گرہ منانا کوئی شرعی تقریب نہیں ہے،  ایک حساب اور تاریخ کی یادگار ہے،  اس کے لیے یہ تمام فضولیات محض عبث اور التزام مالایلتزم میں داخل ہیں‘‘۔

(۹ / ۸۴، دار الاشاعت)

مزید تفصیل کے لیے درج ذیل لنک پر فتویٰ دیکھیے:

شادی کی سال گرہ کا حکم

فقط واللہ اعلم


فتوی نمبر : 144205200535

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں