وریشہ نام رکھنے کا حکم

وریشہ نام رکھنا درست نہیں ہے، کیوں کہ عربی گرامر کے لحاظ سے یہ لفظ درست نہیں، بظاہر یہ نام قرآن کریم کی آیت " يا بَنِي آدَمَ قَدْ أَنْزَلْنا عَلَيْكُمْ لِباسًا يُوارِي سَوْآتِكُمْ وَ رِيشًا " سے لیا گیا ہے، جس کا ترجمہ ہے: "اے آدم کی اولاد ہم نے تمہارے لیے لباس پیدا کیا جو تمہاری بردہ داریوں کو بھی چھپاتا ہے اور موجب زینت بھی ہے"،    اس میں" واو" بمعنی "اور" ایک کلمہ ہے اور "رِيشًا" بمعنی "زیبب و زینت"دوسرا کلمہ ہے، دونوں کو ملا کر ایک نام بنادیا گیا ہے ۔

اسے لفظ  "وروش" سے صفتِ مشبہ بھی نہیں کہا جاسکتا؛ کیوں کہ عرب  "وروش" سے صفت مشبہ "فعیل" کے وزن پر نہیں استعمال کرتے، نیز  "وروش"  اور "ورش"  کا معنی  نام رکھنے کے لیے مناسب نہیں ہے۔ اگرصرف "ریش" نام رکھتے ہیں تو  یہ فارسی لفظ ہے اور اسے داڑھی کے معنی میں بھی استعمال کیاجاتا ہے۔

الغرض یہ نام چھوڑ کر صحابیات رضی اللہ عنہن میں سے کسی کے نام پر یا اچھے معنیٰ والا کوئی دوسرانام رکھ لیا جائے۔ فقط واللہ اعلم

مزید تفصیل کے لیے درج ذیل لنک پر فتویٰ دیکھیے:

وریشہ مریم نام رکھنے کا حکم