کسی غیر مسلم ملک کو دیکھنے کی خواہش رکھنا
سوال
کسی غیر مسلم ملک سے اس کی خوب صورتی اور اس کی مساجد کی وجہ سے محبت جائز ہے ؟ جیسا کہ بھارت وہاں جانے کی خواہش ہو تو کیا حکم ہے؟
جواب
کسی بھی ملک کا ماحول اور وہاں کے اطوار و عادات اور وہاں کی اقوام اور تاریخی مقامات دیکھنے کے لیےسفر کرنے میں حرج نہیں ہے ، سوائے گناہ کے کسی کام کے لیے ۔ یعنی اگر کسی جگہ کا سفر کرنے سے مقصد کوئی گناہ ہو نعوذ باللہ تو ایسا سفر شرعًا جائز نہیں ہے، مثلًا: غیر مسلموں کی کسی عبادت گاہ کی غرض سے یا مذہبی تہوار میں شرکت کے لیے سفر کرنا۔
مزید دیکھیے:
کافروں کے ملک سے خوب صورتی کی وجہ سے محبت کرنا
فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144209200907
تاریخ25-04-2021
