آیلین نام رکھنا
سوال
میں نے بیٹی کا نام "عائلین" رکھا تھا جس کے معنی ترکی زبان میں "چاند کے گرد روشنی" کے ہیں، بتائیں کیا یہ نام صحیح ہے یا بدلنا چاہیے؟ ہم نے بدل کے رکھنے کے لیے مندرجہ ذیل نام سوچ رہیں ہیں: "حورعین"،"ضحی"، "فارعا"۔
میری بیٹی 10 محرم۔کو پیدا ہوئی ہے۔
جواب
ترکی زبان میں چاند کے گرد روشنی کے ہالہ کو ’’آیلین‘‘ کہتے ہیں، ترکی زبان کے اعتبار سے مذکورہ معنی کے لیے "عائلین " کا تلفظ درست نہیں۔ معنی کے اعتبار سے ’’آیلین‘‘ نام رکھ سکتے ہیں، بدلنے کی ضرورت نہیں، تاہم اگر بدلنا ہی مقصود ہو تو صحابیات رضوان اللہ علیہن کے اسماء میں سے کوئی نام رکھنا بہتر ہوگا۔
"ضحی" یا "فارعہ" نام بھی رکھ سکتے ہیں، فارعہ کا درست تلفظ آخر میں "ہ" کے ساتھ ہے، نہ کہ الف کے ساتھ۔ جب کہ "حور عین" کا معنی بڑی آنکھوں والی حور، یہ نام بھی رکھا جا سکتا ہے، تاہم صحابیات رضوان اللہ علیہن میں سے کسی کا نام رکھنا اولی ہوگا۔
مذکورہ ناموں کے بارے میں مزید تفصیل کے درج ذیل لنکس پر جامعہ کے فتاویٰ دیکھیے:
فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
