سوال

شوہر نے شرط معلق کے ساتھ بیوی کو طلاق دی اور بیوی کو اس شرط کا علم نہیں اور بیوی نے وہ کام کر لیا، کیا اس سے طلاق واقع ہو جائے گی؟

جواب

واضح رہے کہ شوہر  جب بیوی کو طلاق کسی شرط کے ساتھ معلق کر کے دے  تو  شرط پائی جانے کی صورت میں بیوی پر طلاق واقع  ہو جائے گی،   بیو ی کو تعلیق کا علم ہونا ضروری نہیں ہے ۔

فتاوی ہندیہ میں ہے:

"وإذا أضافه إلى الشرط ‌وقع ‌عقيب الشرط اتفاقا."

(كتاب الطلاق، الباب الرابع، الفصل الثالث، 420/1، ط:رشيدية)

فقط واللہ اعلم