سوال

کیا قرض کی رقم سے قربانی کرسکتے ہیں یا نہیں؟

جواب

جس شخص پر قربانی واجب نہ ہو، اس کے لیے قرضہ لے کر قربانی کرنا ضروری نہیں، البتہ اگر کسی نے ایسا کرلیا تو قربانی ادا ہوجائے گی، البتہ جس شخص پر قربانی واجب ہو، مگر اس کے پاس نقدی نہ ہو تو اسے سونا چاندی یا قابل فروخت چیز فروخت کرکے یا قرض لے کر قربانی کرنا ضروری ہوگا۔

فتاوی ہندیہ میں ہے:

"وَلَوْ كَانَ عَلَيْهِ دَيْنٌ بِحَيْثُ لَوْ صُرِفَ فِيهِ نَقَصَ نِصَابُهُ لَا تَجِبُ". (كِتَابُ الْأُضْحِيَّةِ، الْبَابُ الْأَوَّلُ فِي تَفْسِيرِهَا وَرُكْنِهَا وَصِفَتِهَا وَشَرَائِطِهَا وَحُكْمِهَا وَفِي بَيَانِ مَنْ تَجِبُ عَلَيْهِ وَمَنْ لَا تَجِبُ، ۵ / ۲۹۲، ط: دار الفكر)فقط واللہ اعلم