کیا کرپٹو کرنسی اور بٹ کوائن کرنسی منافع کی غرض سے خریدنا جائز ہے؟
ڈیجیٹل کرنسی کا کوئی مادی وجود نہیں ہے، لہذااس کے ذریعہ لین دین یاسرمایہ کاری کرناجائز نہیں ہے۔
تجارت کے مسائل کا انسائیکلوپیڈیا میں ہے:
’’بٹ کوائن‘‘ محض ایک فرضی کرنسی ہے، اس میں حقیقی کرنسی کے بنیادی اوصاف اور شرائط بالکل موجود نہیں ہیں، لہذا موجودہ زمانے میں " کوئن" یا "ڈیجیٹل کرنسی" کی خرید و فروخت کے نام سے انٹرنیٹ پر اور الیکٹرونک مارکیٹ میں جو کاروبار چل رہا ہے وہ حلال اور جائز نہیں ہے، وہ محض دھوکا ہے، اس میں حقیقت میں کوئی مادی چیز نہیں ہوتی، اور اس میں قبضہ بھی نہیں ہوتا صرف اکاؤنٹ میں کچھ عدد آجاتے ہیں، اور یہ فاریکس ٹریڈنگ کی طرح سود اور جوے کی ایک شکل ہے، اس لیے " بٹ کوائن" یا کسی بھی " ڈیجیٹل کرنسی" کے نام نہاد کاروبار میں پیسے لگانا اور خرید و فروخت میں شامل ہونا جائز نہیں ہے۔
( تجارت کے مسائل کا انسائیکلوپیڈیا: 2/ 92)
فقط واللہ اعلم
فتوی نمبر : 144207200480
دارالافتاء : جامعہ علوم اسلامیہ علامہ محمد یوسف بنوری ٹاؤن