سوال

’’ارمش‘‘ نام رکھ سکتے ہیں یا نہیں؟

آپ کی ویب سائٹ پر دو الگ جوابوں میں ارمش کا معنی الگ الگ لکھا ہے، ایک جواب میں معنی نامناسب ہونے کی وجہ سے نام رکھنے کو منع کیا ہے اور دوسرے جواب میں ارمش کا معنی الحَسَنُ الخَلْقِ لکھا ہے۔

ان میں سے کون سا معنی صحیح ہے؟ اور مذکورہ نام رکھنے کا کیا حکم ہے؟

جواب

ارمش کے متعدد معانی لغت عربی میں ملتے ہیں، ان میں سے ایک معنی حسن خلق (عمدہ اخلاق) کے بھی ہیں، اس معنی کے اعتبار سے لڑکے کا نام "ارمش" رکھنے کی اگرچہ اجازت ہوگی، تاہم دیگر معانی چوں کہ نام رکھنے کے اعتبار سے مناسب نہیں، لہذا معنی کے اشتباہ کی بنا پر "ارمش" نام نہ رکھنا بہتر ہوگا۔

أرْمَش : (معجم الرائد) :

(اسم)

1- جمع : رمش ، مؤنث رمشاء

2- ذو « الرمش » ، وهو حمرة في الجفن مع ماء يسيل

2- حسن الخلق

3- مختلف الألوان."

و فیه أیضًا:

أرْمَش : أرمش - إرماشا - (فعل)

1- أرمش الشجر : أورق

2- أرمش : حرك جفنيه بالنظر لضعف في عينيه

3- أرمش : فسدت عينه فلم يشف جفنه

4- أرمش بالدمع : أساله قليلًا."

فقط واللہ اعلم