پہلے سودے کی رقم ادا کرنے کے لیے نیا معاملہ کرنے کا حکم

زید نے عمرو کو سات موٹر سائیکلیں سات لاکھ روپے میں ایک سال کے ادھار پر فروخت کیں۔ ایک سال بعد عمرو کے پاس سات لاکھ روپے یکمشت ادا کرنے کے لیے رقم نہیں تھی۔

عمرو نے زید سے کہا کہ وہ اسے مزید موٹر سائیکلیں قسطوں پر فروخت کر دے۔ چنانچہ زید نے ایک بارگین والے سے سات موٹر سائیکلیں سات لاکھ دس ہزار روپے میں خریدیں اور ان پر قبضہ کیا۔  پھر وہ موٹر سائیکلیں عمرو کو دس لاکھ روپے میں ماہانہ پچاس ہزار روپے کی قسطوں پر فروخت کر دیں۔ اس کے بعد عمرو نے وہ موٹر سائیکلیں ایک تیسرے شخص(زید کے علاوہ ) کو سات لاکھ روپے نقد میں فروخت کر کے زید کو پہلے سودے کے سات لاکھ روپے ادا کر دیے۔

اس نئے معاملے کے ذریعے عمرو نے پہلے سودے کے سات لاکھ روپے یکمشت ادا کر دیے، اور اب اس پر دوسرے سودے کے دس لاکھ روپے ماہانہ پچاس ہزار روپے کی قسطوں میں ادا کرنا لازم ہیں۔ 

کیا دوسرا معاملہ شرعاً درست ہے؟ اور زید کے لیے اس معاملے سے نفع لینا کیسا ہے؟