حکومت کی طرف سے مالی امداد میں وراثت کی تقسیم کا حکم

صورتِ مسئولہ میں حکومت کی طرف سے جو رقم دی جا رہی ہے، وہ مذکورہ بیوہ کے شوہر کے ذاتی مال میں داخل نہیں ہے، بلکہ یہ رقم حکومت مذکورہ بیوہ کو بطورِ مالی امداد کے دے رہی ہے۔ لہذا، اس صورت میں یہ مالی امداد حکومت جس کے نام پر جاری کرے گی، اسی کو ملے گی؛ اس رقم میں کسی قسم کی وراثتی تقسیم نہیں ہوگی۔

لہذا، حکومت کی طرف سے دی جانے والی مکمل رقم مذکورہ بیوہ کو دی جائے گی۔

بدائع الصنائع میں ہے:

"لأن الإرث إنما يجري في المتروك من ملك أو حق للمورث على ما قال «- عليه الصلاة والسلام - من ترك مالا أو حقا فهو لورثته»ولم يوجد شيء من ذلك فلا يورث ولا يجري فيه التداخل؛ لما ذكرنا، والله سبحانه وتعالى أعلم."

(کتاب الحدود، فصل فی شرائط جواز اقامة الحدود، ج:7 ص: 57 ط: دار الکتب العلمیة)

امداد الفتاوی میں ہے:

"چوں کہ میراث مملوکہ اموال میں جاری ہوتی ہے اور یہ وظیفہ محض تبرع واحسانِ سرکار ہے، بدون قبضہ کے مملوک نہیں ہوتا، لہذا آئندہ جو وظیفہ ملے گا اس میں میراث جاری نہیں ہوگی، سرکار کو اختیار ہے جس طرح چاہیں تقسیم کردے۔"

( کتاب الفرائض، عنوان: عدم جریان میراث در وظیفہ سرکاری تنخواہ، ج:4 ص:343  ط: دارالعلوم)

فقط و اللہ اعلم