واٹنر ہاتھ پر لگنے کی صورت میں وضو کا حکم

واضح رہے کے وائٹنر سوکھنے کے بعد ٹھوس ہوجاتا ہے جس کی وجہ سے پانی جلد تک نہیں پہنچ پاتا؛ لہذا اگر اعضاء وضو میں سے کسی عضو پر وائٹنر  یا اور کوئی ٹھوس چیز لگ جائے جس کے ہوتے ہوئے کھال تک پانی نہ  پہونچتا ہو تو اس کے لگے ہوئے ہونے کی حالت میں وضو /غسل نہ ہوگا۔

البحر الرائق شرح كنز الدقائق میں ہے:  

"ولو لصق بأصل ظفره طين يابس وبقي قدر رأس إبرة من موضع الغسل لم يجز"

(كتاب الطهارة، ج: 1، ص: 14، ط: دار الكتاب الإسلامي)

في مراقي الفلاح مع الطحطاوي:

"شرط صحته أي الوضوء زوال ما یمنع وصول الماء إلی الجسد کشمع شحم".

(فصل في أحكام الوضوء:  ص: 62، ط: المكتبة العصرية)

فقط واللہ اعلم