گود لیے ہوئے بچے کی نسبت حقیقی والد کی طرف کرنا لازمی ہے

وا ضح رہے کہ  قرآن مجید میں اللہ تعالیٰ نے بچوں کو ان کے حقیقی والد کی طرف منسوب کر کے پکارنے کا حکم دیا ہے اور احادیثِ مبارکہ میں حقیقی والد کے علاوہ کسی دوسرے شخص کی طرف بچہ کو منسوب کرنے،  ولدیت تبدیل کرنے  پرممانعت وارد ہوئی ہے؛ اس لیے کسی بچے کی ولدیت تبدیل کرکے  حقیقی والد کے بجائے کسی اور کی طرف  اسے منسوب کرنا جائز نہیں ۔

لہذا  صورت مسئولہ میں بے اولادی کی وجہ سے نومولود بچے کو گود  لینا تو جائزہوگا،لیکن ولدیت میں اپنا نام لکھنا یا لکھوانا جائز نہیں ہوگا ،بلکہ حقیقی والد کانام لکھناضروری ہے،البتہ سرپرست کے خانے میں اپنا نام لکھوایا جاسکتا ہے۔

قرآن مجید میں ہے:

"وَمَا جَعَلَ أَدْعِيَآءَكُمْ أَبْنَآءَكُمْ ذَٰلِكُمْ قَوْلُكُم بِأَفْوَٰهِكُمْ وَٱللَّهُ يَقُولُ ٱلْحَقَّ وَهُوَ يَهْدِي ٱلسَّبِيلَ  ٱدْعُوهُمْ لِأٓبَآئِهِمْ هُوَ أَقْسَطُ عِندَ ٱللَّهِۚ فَإِن لَّمْ تَعْلَمُوٓاْ ءَابَآءَهُمْ فَإِخْوَٰنُكُمْ فِي ٱلدِّينِ وَمَوَٰلِيكُمۡۚ وَلَيْسَ عَلَيْكُمْ جُنَاحٞ فِيمَآ أَخْطَأۡتُم بِهِۦ وَلَٰكِن مَّا تَعَمَّدَتْ قُلُوبُكُمۡۚ وَكَانَ ٱللَّهُ غَفُورٗا رَّحِيمًا"

 (سورۃ الأحزاب: 4، 5)

ترجمہ:  اور تمہارے منہ بولے بیٹوں کو تمہارا (سچ مچ کا) بیٹا نہیں بنادیا،یہ صرف تمہارے منہ سے کہنے کی بات ہے، اور اللہ حق بات فرماتا ہے اور وہی سیدھا راستہ بتلاتا ہے، تم ان کو ان کے باپوں کی طرف منسوب کیا کرو، یہ اللہ کے نزدیک راستی کی بات ہے ،اور اگر تم ان کے باپوں کو نہ جانتے ہو تو وہ تمہارے دین کے بھائی ہیں اور تمہارے دوست ہیں ،اور تم کو اس میں جو بھول چوک ہوجاوے تو اس سے تم پر کچھ گناہ نہ ہوگا، لیکن ہاں دل سے ارادہ کر کے کرو (تو اس سےگناه ہوگا)، اور اللہ تعالیٰ غفور رحیم ہے۔(از بيان القرآن)

تفسیر مظہری میں ہے:

"فلا يثبت بالتبني شىء من أحكام النبوة من الإرث وحرمة النكاح وغير ذلك- وفى الآية رد لما كانت العرب تقول من أن اللبيب الأريب له قلبان والزوجة المظاهر منها تبين من زوجها وتحرم عليه كالأم ودعى الرجل ابنه يرثه ويحرم بالتبني ما يحرم بالنسب."

(الأحزاب، ج7، ص284، ط:  مكتبة الرشدية - الباكستان)

مشكوة المصابيح میں ہے:

"وعن سعد بن أبي وقاص وأبي بكرة قالا: قال رسول الله صلى الله عليه وسلم: «‌من ‌ادعى ‌إلى ‌غير ‌أبيه وهو يعلم أنه غير أبيه فالجنة عليه حرام."

(باب اللعان، ج:2، ص: 287، ط: ط:قدیمی)

ترجمہ: حضرت سعد بن ابی وقاص اور حضرت ابوبکرہ  رضی اللہ عنہمادونوں راوی ہیں کہ رسول کریم صلی اللہ علیہ وسلم نے فرمایا :جو شخص اپنے آپ کو اپنے باپ کے بجائے کسی دوسرے شخص کی طرف منسوب کرے اور وہ یہ جانتا بھی ہو کہ یہ میرا باپ نہیں ہے تو اس پر جنت حرام ہے۔

المبسوط للسرخسي   میں ہے:

"ولكنا نستدل بقوله صلى الله عليه وسلم «يحرم من الرضاع ما يحرم من النسب.» والمراد بقوله تعالى {من أصلابكم} [النساء: 23] بيان إباحة حليلة الابن من التبني فإن التبني انتسخ بقوله تعالى {ادعوهم لآبائهم} [الأحزاب: 5]، وكان «النبي صلى الله عليه وسلم تبنى زيد بن حارثةثم تزوج زينب بعد ما طلقها زيد فطعن المشركون وقالوا إنه تزوج حليلة ابنه»، وفيه نزل قوله تعالى {ما كان محمد أبا أحد من رجالكم} [الأحزاب: 40]

(كتاب النكاح، ج:4،ص: 200، ط:دار المعرفة - بيروت، لبنان)

فقط واللہ اعلم