امانت کی رقم کو بطور قرض لینے نیز امانت کی رقم کو تبدیل کرنے کی صورت میں ضمان کا حکم۔

 کیا فرماتے ہیں مفتیان کرام اس مسئلے کہ بارے میں ، کہ زید جو اپنے مالک کے کپڑوں کی دوکان میں کام کرتا ہے اور پیسوں کے سارے معاملات زید دیکھتا ہے اور مالک کی غیر موجودگی میں پیسے کا لین دین بھی کرتا ہے (یعنی کسی کو مال کے پیسے دینا یا مال کے پیسے وصول کرنا ) ۔  اب مسئلہ یہ ہے کہ زید کے پاس 1290400 رقم  موجود تھی جو دکان بند کرنے کے وقت اس کے پاس تھی اور زید کے مالک نے زید سے کہا کہ یہ رقم جاکر بکر کو دے دو ( بکر خود ایک کپڑوں کی دوکان  میں کام کرتا ہے ) ، زید نے جب رقم بکر کو دی تو اس وقت بکر کا مالک بھی دوکان میں موجود تھا ، بکر کے مالک نے رقم لیتے ہوئے کہا کے یہ رقم میں اپنے پاس بطور امانت نہیں رکھ رہا، بلکہ اس کو قرضاً لے رہا ہوں ، تاکہ اس کو استعمال  میں لاسکوں ، تو زید نے بکر کے مالک کو کہا ، کہ آپ جانیں اور میرا مالک جانے ، پھر کل ( یعنی اگلے دن )  دوبارہ  بکر کو 409600 روپے دئیے ، اور کچھ دن بعد 3 لاکھ روپے  بکر کو دیئے ، یعنی پہلی مرتبہ پیسے دیتے وقت بکر کے ساتھ مالک موجود تھا ، باقی دو دفعہ میں صرف بکر تھا ۔
اور زید کا مالک پہلے بھی ، اس طرح پیسے بکر کو یا بکر کے مالک کو دیتا رہا ہے ، اور پھر کچھ وقت بعد جب بھی ضرورت ہوتی ، مانگ کر لے لیتا ۔
پھر کچھ وقت بعد بکر کے دوکان پر کسی وجہ سے چھاپا پڑا اور جس لوکر ( locker ) میں پیسے رکھے تھے ، وہ حکومت والے لے گئے ، اب جب زید کا مالک بکر سے پیسوں کا مطالبہ کرتا ہے ، تو بکر کا مالک کہتا ہے ، وہ میرے پاس امانت تھے ، اب اس مال کا ضمان مجھ پر شرعاً لازم نہیں ۔
پہلی مرتبہ رقم میں تو مالک خود موجود تھا ، لیکن دوسری تیسری مرتبہ میں مالک موجود نہیں تھا ، تو اب بکر کا مالک یہ کہتا ہے کہ میرے غیر موجودگی میں آپ نے میرے شاگرد بکر کو پیسے دیئے ہیں، مجھے ان کا پتہ نہیں تھا ، حالاں کہ پہلے بھی جب بکر کا مالک نہیں ہوتا ، تو سارے مالی معاملات بکر دیکھتا تھا ، دوسری بات یہ کہ بکر خود اپنے مالک کو سارے دن کے رزوانہ کا حساب روز بتاتا ہے ( کہ آج اتنی رقم آئی ہے اور اتنی رقم گئی ہے ) اور بکر کے لوکر ( locker ) میں جو پیسے ہوتے ہیں وہ روزانہ کہی نہ کہی استعمال میں آتے ہیں ، یعنی وہ رقم ایک دن کی دوسرے دن اکثر موجود نہیں رہتی ، کیونکہ زید کے اسکے علاوہ کچھ دوسرے کام بھی ہیں ، جس میں اس رقم کی ردبدل ہوتی رہتی ہے۔

 کیا بکر کے مالک پر لازم ہے ، کے زید کے مالک کے پیسے واپس کریں؟کیا شرعا زید اپنی  رقم کا مطالبہ کر سکتا ہے ؟

وضاحت:  اس معاملے سے پہلے بھی زید کے مالک اور بکر کے مالک کے آپس میں اس طرح کے معاملات ہوتے رہتے تھے، جس میں رقم بکر کے مالک کے پاس رکھوائی جاتی تھی اور ضرورت پڑنے پر واپس لے لی جاتی تھی۔

البتہ اس معاملے میں بکر کے مالک کا کہنا یہ ہے کہ پہلے جب زید یا اس کا مالک بکر کے مالک کو رقم دیتے تھے، تو اس کو معلوم ہوتا تھا کہ میرے پاس زید کے مالک کی اتنی رقم آ چکی ہے، لیکن اس مرتبہ بکر کا مالک کہہ رہا ہے کہ مجھے معلوم نہیں تھا کہ آپ کی رقم میرے پاس آئی ہوئی ہے، لیکن چھاپہ پڑنے سے دو گھنٹے پہلے زید نے بکر کے مالک کو کہا تھا کہ میں نے اتنی رقم بکر کو دی تھی، اور اس سے او کے بھی کروا لی ہے، او کے سے مراد یہ ہوتا ہے کہ اب آپ کے ہاں ہماری اتنی رقم آ چکی ہے، آپ اس کو اپنے استعمال میں لا سکتے ہیں، ہمیں جب(اندرون بیرون ملک) ضرورت ہو گی ہم آپ سے لے لیں گے۔