نمبر پلیٹ پر اللہ کا نام لکھنا

صورت مسئولہ میں بائیک کی نمبر پلیٹ پر اللہ کا نام لکھنے کی صورت میں اس مبارک نام کی بے ادبی کا اندیشہ ہے، کیونکہ پیچھے بیٹھنے والا اس کے عین  اوپر بیٹھا ہوتا ہے، اسی طرح پلیٹ پر کیچڑ گندگی بھی لگتی رہتی ہے،  لہٰذا ایسی جگہ اللہ کا نام لکھنےسے اجتناب  کریں۔ نیز عام  حروف  کا  بھی ادب ہے، لہٰذا  پلیٹ پر   اس طرح کچھ نہ لکھا جائے۔

فتاوی شامی میں ہے:

"ورأى بعض الأئمة شبانا يرمون إلى هدف كتب فيه أبو جهل لعنه الله فنهاهم عنه، ثم مر بهم وقد قطعوا الحروف فنهاهم أيضا وقال: إنما نهيتكم في الابتداء لأجل الحروف فإذا يكره مجرد الحروف، لكن الأول أحسن وأوسع. اهـ. قال سيدي عبد الغني: ولعل وجه ذلك أن حروف الهجاء قرآن نزلت على هود - عليه السلام - كما صرح بذلك الإمام القسطلاني في كتابه [الإشارات في علم القراءات] اهـ."

 (رد المحتار علي الدر المختار، کتاب الطهارة، 1 /178، 179، ط: سعيد)

فقط واللہ اعلم