ورثاء میں ایک نابالغ اور غائب شخص کے ہوتے ہوئے غیر شرعی تقسیم

واضح رهے كه ترکہ کی تقسیم اگر تمام ورثاء اپنی رضامندی سے کرلیں تو یہ جائز ہے، بشرطیکہ تمام ورثاء عاقل بالغ ہوں اور کوئی وارث غائب بھی نہ ہو، لیکن اگر کوئی وارث غائب ہے ، یا  راضی نہیں ہےیا نابالغ ہے، تو وہ تقسیم درست نہیں ہوگی،  لہٰذا صورتِ مسئولہ میں چوں کہ پہلی تقسیم غیر شرعی تھی اور  تقسیم کے وقت ایک وارث غائب تھا اور ایک وارث نابالغ بھی موجود تھا، اس لیےاس تقسیم کو فسخ یعنی ختم کر کے  دوبارہ شرعی طور پر تقسیم کرنا ضروری ہے۔

شرعی تقسیم معلوم کرنے کے لیے ورثاء کی تفصیل لکھ کر دوبارہ سوال پوچھا جاسکتا ہے۔

الدر المختار مع رد المحتار میں ہے:

"‌وصحت ‌برضا ‌الشركاء إلا إذا كان فيهم صغير) أو مجنون (لا نائب عنه) أو غائب لا وكيل عنه لعدم لزومها حينئذ إلا بإجازة القاضي أو الغائب أو الصبي إذا بلغ أو وليه، هذا لو ورثة، ولو شركاء بطلت منية المفتي وغيرها."

(كتاب القسمة، ج:6، ص:257، ط:سعيد) 

فقط واللہ اعلم