تین طلاقوں کا حکم

صورتِ مسئولہ میں سوال میں آپ نے اپنے شوہر کے جو الفاظ نقل کیے ہیں کہ پہلے انہوں نے دو مرتبہ کہا: میں تجھے طلاق دیتا ہوں، پھر ایک ڈیڑھ ہفتے بعد تین مرتبہ کہا: میں تجھے طلاق دیتا ہوں، تو آپ کے اوپر تینوں طلاقیں واقع ہو چکی ہیں، نکاح ختم ہو چکا ہے، اب ساتھ رہنا جائز نہیں ہے اور دوبارہ نکاح بھی جائز  نہیں۔

بدائع الصنائع میں ہے:

"وأما الطلقات الثلاث فحكمها الأصلي هو زوال الملك، وزوال حل المحلية أيضا حتى لا يجوز له نكاحها قبل التزوج بزوج آخر."

(کتاب الطلاق، باب الرجعة، 187/3، ط:دار الكتب العلمية)

فقط واللہ أعلم