بیٹی کا نام "کہکشاں" یا "امیرت" رکھنا

"کہکشاں" فارسی زبان کا لفظ ہے، اس کا معنی ہے: ستاروں کا وہ جھرمٹ جو رات کو آسمان پر ایک روشن پٹی کی صورت میں نظر آتا ہے۔ لڑکی کا یہ نام رکھنا جائز ہے۔

"امیرت" دراصل عربی لفظ "اَمِیْرَہ" (أَمِيرَة) ہے، اس کا معنی ہے: شاہزادی۔ لڑکی کا یہ نام رکھنا بھی درست ہے۔

سنن ابی داود میں ہے:
«إنكم تدعون يوم القيامة بأسمائكم وأسماء آبائكم، فأحسنوا أسماءكم»

(کتاب الأدب، باب في تغيير الأسماء، رقم: 4948 ج:7 ص:303 ط:دار الرسالة)

فرہنگِ آصفیہ میں ہے:
"کَہکَشاں: (فارسی) ستاروں کا جھرمٹ جو رات کو آسمان پر ایک سفید دھاری کی صورت میں نظر آتا ہے۔"

(ج:3، ص:624)

القاموس الوحید میں ہے:

"اَمِیْرَہ: شاہزادی۔"

(ص:134، ط: ادارۃ الاسلامیات)

فقط واللہ اعلم