سوال

اگر کسی شخص کے پاس صرف چار تولہ سونا ہو اور اس کے علاوہ نہ نقد رقم ہو، نہ چاندی اور نہ ہی مالِ تجارت، تو کیا اس پر زکوٰۃ واجب ہوگی؟ جبکہ آج سے چند سال پہلے ساڑھے سات تولہ سونے کی جو قیمت تھی، موجودہ زمانے میں چار تولہ سونے کی قیمت اس سے بھی زیادہ ہے۔ ایسی صورت میں زکوٰۃ کے وجوب کا کیا حکم ہے؟

جواب

واضح رہے کہ سونے کا نصاب ساڑھے سات تولہ ہے، لہٰذا اگر کسی شخص کے پاس صرف چار تولہ سونا ہو اور اس کے علاوہ نقد رقم، چاندی یا مالِ تجارت میں سے کچھ بھی نہ ہو تو اس پر زکوٰۃ واجب نہیں ہوگی۔

البتہ اگر سونے کے ساتھ نقد رقم، چاندی یا مالِ تجارت بھی موجود ہو،اور ان اموال کی   مجموعی مالیت ساڑھے باون تولہ چاندی کی قیمت کے برابر یا اس سے زیادہ ہو اور اس مال پر سال بھی گزر چکا ہو تو اس صورت میں   ڈھائی فیصد زکوٰۃواجب ہوگی۔

فتاوی تاتارخانیہ میں ہے:"وأجمعوا على أن العبرة للوزن حالة الانفراد حتى إذا كان له أقل من مائتي درهم قيمتها عشرون دينارا، أو كان له أقل من مائتي درهم قيمتها عشرون دينارا، أو كان له أقل من عشرين دينارا قيمتها مائتا درهم، أو كان له قلب فضة وزنه مائة وخمسون، وقيمته لصياغته عشرون دينارا، أو كان له قلب ذهب وزنه خمسة عشر وقيمته لصياغته مائتا درهم لا تجب الزكاة."

 بدائع الصنائع  میں ہے:

"فأما إذا كان له الصنفان جميعا فإن لم يكن كل واحد منهما نصابا بأن كان له عشرة مثاقيل ومائة درهم فإنه يضم أحدهما إلى الآخر في حق تكميل النصاب عندنا."

(كتاب الزكاة،فصل مقدار الواجب في زكاة الذهب،ج: 2،ص: 19،ط: دار الكتب العلمية)

فتاوى ہنديہ میں ہے:

"وتضم قيمة العروض إلى الثمنين والذهب إلى الفضة قيمة كذا في الكنز... لكن يجب أن يكون التقويم بما هو ‌أنفع ‌للفقراء قدرا ورواجا."

(كتاب الزكاة، الباب الثالث، الفصل الثاني في العروض،ج: 1،ص: 179،ط: دار الفكر)

فقط والله أعلم