مدرسے کے لیےپورشن وقف کرنا

صورت مسئولہ میں اگر آپ اپنے گھرکا  ایک پورشن مدرسے کے لیے وقف کرنا چاہتی ہیں تو ایسا کرنا شرعاً جائز ہے، اس پراجروثواب ہوگا، وقف کرنے کے بعد وقف شدہ پورشن آپ کی ملکیت نہیں رہے گا، اس لیے آپ کے انتقال کے بعد وہ میراث میں بھی تقسیم نہیں ہوگا اور نہ ہی آپ اسے اپنی زندگی میں بیچ سکیں گی، البتہ جو پورشن آپ وقف نہیں کریں گی وہ آپ کی ملکیت رہے گا اور آپ کے انتقال کے بعد اس میں میراث جاری ہوگی، بوقت انتقال آپ کے ورثاء میں سے جو موجود ہوگا وہی اس کا حق دار ہوگا، اگر اس وقت میاں بیوی کا زوجیت کا رشتہ برقرار نہیں ہوگا تو شوہر کو آپ کی میراث میں کوئی حصہ نہیں ملے گا۔

فتاوی شامی میں ہے:

"صح الوقف في حكم الشرع لصدوره من أهله في محله، وصح تعيينه الموقوف عليه."

 (کتاب الوقف، ج:4، ص:340، ط:سعید)

الجوهرة النيرة على مختصر القدوری میں ہے:

"هو عبارة عن حبس العين على حكم ملك الله تعالى على وجه تصل المنفعة إلى العباد فيزول ملك الواقف عنه إلى الله تعالى فيلزم ولا يباع ولا يرهن ولا يورث."

(کتاب الوقف، ج:1، ص:333، ط:الخیریة)

فقط واللہ اعلم