سوال

 کیا احرام کی حالت میں ٹوپی /کیپ لگایا جا سکتا ہے ؟کہاں  اور کب لگا سکتے ہیں؟

جواب

مردوں کے لیے احرام کی حالت میں سر ڈھانپنا ممنوع ہے،لہٰذا ٹوپی یا کیپ پہننا بھی اس حالت میں جائز نہیں۔

البتہ عورتوں کے لیے صرف چہرہ کا ڈھانپنا منع ہے، سر کا ڈھانپنا ممنوع نہیں، لہٰذا خواتین کے لیے احرام کی حالت میں ایساکیپ استعمال کرنا  اچھا ہےجس کے آگے کپڑا لگا ہو، اور اس سے پردہ بھی ہو جائے اور (کیپ کے آگے نکلے ہونے کی وجہ سے) چہرہ پر کپڑا بھی نہ لگے ۔

فتاویٰ شامی میں ہے:
"(وبعده) أي الإحرام بلا مهلة (يتقي.... وستر الوجه)... (والرأس)

(قوله والرأس) أي رأس الرجل أما المرأة فتستره كما سيأتي."

 (كتاب الحج، باب الجنايات في الحج، 2/ 486، ط: سعيد)

فتاویٰ عالمگیری میں ہے:

"ولا يلبس مخيطا قميصا أو قباء أو سراويل أو عمامة أو قلنسوة."

 (الفتاوى الهندية، كتاب المناسك، الباب الرابع فيما يفعله المحرم بعد الإحرام، 1/ 224، ط: دار الفكر ،بيروت )

فقط والله أعلم