سوال

میری اہلیہ شادی سے پہلے مہندی کا کام کرتی تھی دوسروں کو مہندی لگاتی تھی اور ان سے پیسے لیتی تھی لیکن شادی کے بعد نہیں لگاتی لیکن جب کسی کا مہندی کے لئے فون آتا ہے تو وہ کسی اور دوست یا کسی کلائنٹ کو بھیج دیتی ہے اور جو منافع ہوتا ہے اس میں سے 20 فیصد کا مطالبہ کرتی ہے تو کیا یہ 20 فیصد کا مطالبہ ٹھیک ہے اس کا کیا حکم ہے ۔

جواب

صورتِ مسئولہ میں سائل کی بیوی کا مہندی لگانے کی خواہش مند خاتون کو اپنی کسی سہیلی یا کلائنٹ کے پاس صرف بھیجنے پر اس دوست سے کمیشن وصول کرنا شرعاً جائز نہیں ہے۔

اس لیے کہ کمیشن پر اجرت کا حق دار بننے کے لیے عمل یعنی محنت ضروری ہے،بغیر عمل کے صرف راہ نمائی کرنے پر کسی سے کمیشن وصول کرنا خواہ وہ کمیشن طے شدہ ہی کیوں نہ ہو،شرعاً جائز نہیں۔

فتاوی شامی میں ہے :

"‌والأجرة ‌إنما ‌تكون ‌في ‌مقابلة ‌العمل".

(باب المهر، ج:3، ص:156، سعید)

فقط واللہ اعلم