بغیر طلاق کے میاں بیوی کا ایک دوسرے سے الگ ہونے کی صورت میں نکاح کا حکم

صورت مسئولہ میں جب آپ نے اپنی بیوی کو طلاق نہیں دی اور وہ لڑائی کے بعد الگ ہوکر بیٹے کے پاس رہنے لگی، تو محض دو سال علیحدہ رہنے سے شرعاً  نکاح پر کوئی اثر نہیں پڑا اور نہ ہی کوئی طلاق واقع ہوئی بلکہ وہ بدستور آپ کی بیوی ہے، اس لیے ایک ساتھ رہناشرعاً جائز ہے ۔

فتاویٰ شامی میں ہے:

"كتاب الطلاق (هو) لغة رفع القيد وشرعا (رفع قيد النكاح في الحال) بالبائن (أو المآل) بالرجعي (بلفظ مخصوص) هو ما اشتمل على الطلاق."

( كتاب الطلاق، ج: 3، ص: 227، ط: سعيد)

فتاویٰ عالمگیری میں ہے:

"(أما تفسيره) شرعا فهو رفع قيد النكاح حالا أو مآلا بلفظ مخصوص كذا في البحر الرائق."

( كتاب الطلاق، ج: 1، ص: 348، ط: رشيديه)

فقط والله اعلم