لڑکی کانام ” ماحور“ رکھنا کیسا ہے؟

آنحضرت صلی اللہ علیہ وسلم نے اچھے نام رکھنے کی ترغیب دی ہے اور برے ناموں سے منع فرمایا ہے۔  اس حوالے سے آپ  صلی اللہ علیہ وسلم  کے کئی ارشاد وواقعات احادیثِ کتب میں مذکور ہیں، چنانچہ حدیث شریف  میں ہے کہ آپ  صلی اللہ علیہ وسلم  نے فرمایا:”باپ پر بچے کا حق ہے کہ وہ اس کا اچھا نام رکھے۔“؛ لہٰذا بچوں کے لیے اچھے اور مناسب نام رکھنے کا اہتمام کرنا چاہیے۔

صورت مسئولہ میں ”ماحور“ نام کسی بھی عربی، اردو یا فارسی لغت کی کتاب میں نہیں ملا، اس لیے اس نام کے معنیٰ اور تلفظ سے بحث نہیں کی جا سکتی،لہٰذا”ماحور“ نام نہیں رکھنا چاہیے۔ مذکورہ نام کے بجائے لڑکی کا نام حضراتِ صحابیات رضی اللہ عنہن کے ناموں میں سے کوئی نام رکھا جائے، یہ زیادہ بہتر اور باعثِ خیر و برکت ہے۔

 اس سلسلے میں ہماری ویب سائٹ پر موجود اسلامی ناموں کے سیکشن سے بھی استفادہ کیا جا سکتا ہے۔فقط واللہ اعلم۔