لقمان حکیم نبی نہیں تھے

لقمان حکیم حضرت ایوب علیہ السلام کے زمانے میں اللہ کے ایک نیک بندے تھے اور ان کے متعلق راجح قول یہی ہے کہ وہ نبی نہیں تھے، باقی حکمت کا سلسلہ ان سے چلا ہے کہ نہیں اس کے متعلق کہیں کوئی تصریح نہیں۔

تفسیر ابن کثیر میں ہے:

"اختلف السلف في لقمان: هل كان نبيا أو عبدا صالحا من غير نبوة؟ على قولين، الأكثرون على الثاني."

(سورة لقمان، ج: 6، ص: 298، ط: دار الكتب العلمية)

معارف القرآن میں ہے:

"ابن کثیر نے فرمایا کہ جمہور سلف کا اس پر اتفاق ہے کہ وہ نبی نہیں تھے،صرف حضرت عکرمہ سے ان کا نبی ہونا نقل کیا جاتا ہے ، مگر اس کی سند ضعیف ہے۔ اور امام بغوی رح نے فرمایا کہ اس پر اتفاق ہے کہ وہ فقیہ اور حکیم تھے نبی نہیں تھے۔ (مظہری)"

(سورۃ لقمان، ج: 7، ص:34، ط: مکتبہ معارف القرآن )

فقط والله أعلم