سودا مکمل کیے بغیر بروکر کا بروکری مانگنا

ہماری ایک پراپرٹی ہے جسے ایک سپر اسٹور کو کرایہ پر دینے کے لیے ایک بروکر کے ذریعے بات چیت چل رہی تھی، اس پارٹی نے ایک ایڈوانس چیک بھی دیا تھا، جو چھ سات ماہ تک کیش نہ ہو سکا، پھر بعض وجوہات کی بنا پر ہماری بات نہ بن سکی، چنانچہ ہم نے پارٹی کو چیک واپس کر دیا اور معاملہ ختم ہو گیا،اب بروکر کا کہنا ہے کہ میری بروکری ادا کی جائے، اس لیے کہ میں نے محنت کی ہے، اگرچہ آپ کا معاملہ طے نہیں پایا، جبکہ ہمارا موقف یہ ہے کہ جب معاملہ بنا ہی نہیں اور بات فریقین کے درمیان ختم ہو گئی تو تمہاری بروکری نہیں بنتی۔جب کہ پھر بعد میں ہم نے کسی دوسرے بروکر کے ذریعے یہ پراپرٹی کسی اور پارٹی کو کرایہ پر دے دی۔ اس پہلے بروکر کا کہنا ہے کہ مجھے دونوں معاملات میں سے بروکری دی جائے۔

اب ازروئے شرع یہ معلوم کرنا ہے کہ مذکورہ صورت میں بروکر کی بروکری ہمارے ذمہ لازم ہے یا نہیں؟