اعتكاف كے دوران عورت كو ماہواری آنےکے بعد اعتکاف کا حکم

جب کوئی عورت اعتکاف میں بیٹھ جاۓ،  اور اس کو ماہواری آجاۓ ،تو عورت کا اعتکاف ٹوٹ  کر فاسد ہوجاۓ گا ،پس پاک ہو جانے کے بعد عورت پر  ایک دن کے اعتکاف کی قضا لازم ہوگی ، اب اگر عورت رمضان میں قضا کرنا چاہتی ہے تو رمضان کا   روزہ کافی ہوگا ،  اور رمضان کے بعد   قضا کرنے کی صورت میں مغرب سے دوسرے دن تک اعتکاف  کے دوران دن کا روزہ رکھنا ضروری ہوگا ،پاک ہونے کے بعد  رمضان کے بقیہ ایام میں اگر عورت نفلی اعتکاف کرنا چاہے تو کر سکتی ہے ،تا ہم یہ سنت اعتکاف شمار نہ ہوگا ۔

بدائع الصنائع میں ہے :

 "ولو حاضت المرأة في حال الاعتكاف فسد اعتكافها؛ لأن الحيض ينافي أهلية الاعتكاف لمنافاتها الصوم ولهذا منعت من انعقاد الاعتكاف فتمنع من البقاء."

 (کتاب الاعتکاف ،فصل رکن الاعتکاف، ج:2، ص:116، ط:دارالکتب العلمیة)

فقط والله اعلم