نکاح کی پیشکش کے جواب میں جی یا قبول ہے کہنے سے نکاح کے منعقد ہونے کا حکم

واضح رہے کہ نکاح میں  ایسے الفاظ پائے جانے ضروری ہیں  جو صراحتہ یا کنایۃ ایجاب و قبول پر دلالت کرتے ہوں  اور ایک مرتبہ یہ الفاظ کہنا کافی ہے، تین مرتبہ کہا ضروری نہیں۔ لہذا صورتِ مسئولہ میں نکاح خواں کی جانب سے  مذکورہ طریقہ پر نکاح کی پیشکش کے جواب میں لڑکا اور لڑکی نے ایک مرتبہ بھی ”قبول ہے!“ اور ”جی!“ کہہ دیا اور نكاح كی دیگر شرائط بھی پائی گئیں تو یہ نکاح منعقد ہوگیا۔

رد المحتار میں ہے :

"(وإنما يصح بلفظ تزويج ونكاح) لأنهما صريح (وما) عداهما كناية هو كل لفظ (وضع لتمليك عين) كاملة ."

(کتاب النکاح، ج:3، ص:16، ط: ایچ ایم سعيد)

فتاوی ہندیہ میں ہے :

"(وما ينعقد به النكاح فهو نوعان) صريح وكناية فالصريح لفظ النكاح والتزويج، وما عداهما وهو ما يفيد ملك العين في الحال كناية، كذا في النهر الفائق ناقلًا عن المبسوط."

(کتاب النکاح، الباب الثانی فیما ینعقد به النکاح و ما لا ینعقد به، ج:1، ص: 270، ط: دار الفكر)

فقط واللہ أعلم