بیعت اللہ نام رکھنا

واضح رہے کہ نام ایسا رکھنا چاہیے جس کے معنی اچھے ہوں، اور سب سے پسندیدہ نام عبد اللہ اور عبد الرحمن ہیں۔ جو نام نہ قرآن و حدیث میں آیا ہو اور نہ مسلمانوں میں بطورِ نام مستعمل رہا ہو، اس کا نہ رکھنا بہتر ہے۔

"بیعت" کے معنی عہد و پیمان اور اطاعت کے اقرار کے ہیں۔ "بیعت اللہ" نہ قرآن و حدیث میں نام کے طور پر آیا ہے، اور نہ مسلمانوں میں بطورِ نام اس کا استعمال معروف ہے۔ لہٰذا صورتِ مسئولہ میں یہ نام رکھنا مناسب نہیں۔ اگر یہ نام رکھ لیا گیا ہو تو اسے بدل کر عبد اللہ، عبد الرحمن یا کوئی اور اچھے معنی والا نام رکھ لیا جائے۔

صحیح مسلم میں ہے:
"قال رسول الله ﷺ: إن أحب أسمائكم إلى الله عبد الله وعبد الرحمن."

(کتاب الآداب، باب النهي عن التكني بأبي القاسم وبيان ما يستحب من الأسماء، رقم: 2132، ج:3، ص:1682، ط: دار إحياء التراث العربي)

ترجمہ:

” رسول اللہ ﷺ نے ارشاد فرمایا: اللہ تعالیٰ کے نزدیک تمہارے ناموں میں سب سے زیادہ پسندیدہ نام عبد اللہ اور عبد الرحمن ہیں۔“

سنن ابی داود میں ہے:
”عن أبي الدرداء قال: قال رسول الله ﷺ: إنكم تدعون يوم القيامة بأسمائكم وأسماء آبائكم، فأحسنوا أسماءكم."

(کتاب الأدب، باب في تغيير الأسماء، رقم: 4948، ج:4، ص:287، ط: المكتبة العصرية)

ترجمہ:

” حضرت ابو الدرداء رضی اللہ عنہ سے روایت ہے کہ رسول اللہ ﷺ نے ارشاد فرمایا: قیامت کے دن تم اپنے ناموں اور اپنے باپوں کے ناموں سے پکارے جاؤ گے، لہٰذا اپنے نام اچھے رکھا کرو۔“

فتاوی عالمگیری میں ہے:

"وفي الفتاوى التسمية باسم لم يذكره الله تعالى في عباده ولا ذكره رسول الله ﷺ ولا استعمله المسلمون تكلموا فيه والأولى أن لا يفعل كذا في المحيط."

(کتاب الکراهية، الباب الثاني والعشرون في تسمية الأولاد وكناهم، ج:5، ص:362، ط: دار الفکر)

فتاوی شامی میں ہے:
"التسمية باسم لم يذكره الله تعالى في عباده ولا ذكره رسوله ﷺ ولا يستعمله المسلمون تكلموا فيه، والأولى أن لا يفعل."

(کتاب الحظر والإباحة، فصل في البيع، ج:6، ص:417، ط: سعید)

لسان العرب میں ہے:
"والبيعة: الصفقة على إيجاب البيع وعلى المبايعة والطاعة. والبيعة: المبايعة والطاعة... وبايعه عليه مبايعة: عاهده."

(حرف العین، فصل الباء، ج:8، ص:26، ط: دار صادر)

فقط واللہ اعلم