شوہر کی بری عادتیں چھڑانے کے لیے وظیفہ

مذکورہ صورت میں سورۃ قریش کثرت سے پڑھیں، اور  اللہ کے ناموں میں سے "المبين" اور "الحميد" جتنا ممکن ہوسکے پڑھ کر اپنے شوہر پر دم کرلیں،  ان شاء اللہ اس سے فائدہ ہوگا۔

معارف القرآن میں ہے:

"فائدہ عظیمہ: ابو الحسن قزوینی نے فرمایا کہ جس شخص کو کسی دشمن یا اور کسی مصیبت  کا  خوف ہو اس  کے لیے لایلاف قریش کا پڑھنا امان ہے، اس کو امام  جزری نے نقل کرکے فرمایا کہ یہ  عمل آزمودہ اور مجرب ہے، حضرت قاضی ثناء اللہ پانی پتی نے تفسیر مظہری میں  اس کو نقل کرکے فرمایا کہ مجھے میرے شیخ حضرت مرزا مظہر جان جاناں رحمہ اللہ نے خوف وخطر کے وقت اس سورۃ کے پڑھنے کا حکم دیا اور فرمایا کہ ہر بلا ومصیبت کے دفع کرنے کے لیے اس کی قراءت مجرب ہے۔ حضرت قاضی صاحب موصوف فرماتے ہیں کہ میں نے بھی بارہا اس  کا تجربہ کیا ہے۔"

(سورۃ قریش، ج:8، ص:824، ط:مکتبہ معارف القرآن)

اعمال قرآنی میں ہے:

"رجوع از فجور: اَلْمُبِينُ: خاصیت، اس کے خواص القوی کی  مانند ہیں اور اگر کسی فاجر مرد یا عورت پر پڑھا جاوے تو فجور  سے باز آوے۔

حصول اخلاق حمیدہ: اَلْحَمِيدُ: خاصیت، اس  کی کثرت سے اخلاق واقوال وافعال حمیدہ حاصل  ہوں۔"

(ص:146، ط:دار الاشاعت)

فقط  واللہ اعلم