نا سمجھ بچے کےساتھ عمرہ کے لیے سفر کرنے کا حکم

واضح رہے کہ شرعی مسافت یعنی 77.42 کلو میٹر یا اس سے زیاد ہ سفر کرنے کے لیے عورت کے ساتھ شوہر،یا بالغ یا کم از کم قریب البلوغ محرم کا ہونا ضروری ہے،تاکہ وہ عورت کی دیکھ بھال کرسکے ،خواہ وہ سفر حج و عمرہ کے لیے ہو یا کسی اور غرض سے ہو۔لہذا صورتِ مسئولہ میں سائلہ  کاصرف 15 مہینے کے بچےکو محرم کے طور پر  ساتھ لے کر عمرہ کے لیےسفر کرنا جائز نہیں ہے۔

المحیط البرہانی میں ہے:

"والمحرم في حق المرأة شرط، شابة كانت أو عجوزاً إذا كان بينها وبين مكة مسيرة ثلاثة أيام۔۔۔۔۔والصبي الذي لم يحتلم لا غيرة له، وكذا المجنون الذي لا يفيق؛ لأن ما هو المقصود من المحرم وهو الحفظ لا يحصل بهما."

(كتاب الحج، الفصل الاول في بيان شرائط الوجوب، ج:2، ص:419، ط دار الكتب العلمية)

فتاوی شامی میں ہے:

"والصبي الذي لم يحتلم لا غيرة له، وكذا المجنون الذي لا يفيق؛ لأن ما هو المقصود من المحرم وهو الحفظ لا يحصل بهما."

(کتاب الحج، ج:2، ص:464، ط سعید)

فقط واللہ اعلم