زکات کی رقم بتاکر دینے کا حکم

زکات    ادا کرتے وقت زکات کی نیت سے دینا ضروری ہے، البتہ یہ بتانا ضروری نہیں ہے کہ یہ زکات   ہے، بلکہ کسی بھی عنوان (مثلاً  قرض یا ہدیہ،عیدی  وغیرہ کے نام ) سے ضرورت مند کو دی جاسکتی ہے۔

فتاوی ہندیہ میں ہے :

"ومن أعطى مسكينا دراهم وسماها هبة أو قرضا ونوى الزكاة فإنها تجزيه، وهو الأصح هكذا في البحر الرائق ناقلا عن المبتغى والقنية."

(کتاب الزکاۃ،ج:1،ص:171،دارالفکر)

فقط والله أعلم