مسجد کا پانی ذاتی استعمال کے لیے گھر لے جانے کا حکم

 واضح رہے کہ مسجد کا پانی عموماً مسجد کے لیے ہی وقف  ہوتا ہے، یعنی صرف  مسجد کے استعمال  کے لیے ہوتا ہے، اگر  پانی کا انتظام کرنے والے واقف کی جانب سے پانی صرف مسجد کے لیے ہی وقف ہو تو اس کا مسجد سے باہر لے جانا   اور  ذاتی استعمال  میں لانا درست نہیں اور اگر واقف کی جا نب سے اس کی  اجازت ہو کہ ذاتی استعمال بھی کیا جاسکتا ہے تو  مسجد کا پانی  دوسری جگہ لے جانا بھی درست ہے،اس میں بھی بہتر یہ ہے بوقتِ ضرورت پانی استعمال کیا جائے تو  بھی  عرفی قیمت کے مطابق اس کے  پیسے مسجد کے  چندے  میں دے  دیے جائیں۔

فتاوی شامی میں ہے :

"صرحوا بأن مراعاة غرض الواقفين واجبة."

(کتاب الوقف،ج:4،ص:445،سعید)

فتاوی ہندیہ میں ہے :

"شرب الماء من السقاية جائز للغني والفقير، كذا في الخلاصة. ويكره رفع الجرة من السقاية وحملها إلى منزله؛ لأنه وضع للشرب لا للحمل، كذا في محيط السرخسي. وحمل ماء السقاية إلى أهله إن كان مأذونا للحمل يجوز وإلا فلا، كذا في الوجيز للكردري في المتفرقات."

(کتاب الکراہیۃ،الباب الحادی عشر فی الکراہۃ فی الاکل  وما یتصل بہ ،ج:5،ص:341،دارالفکر)

فقط واللہ اعلم