دوران سفر گھر کے پاس گزرنے کی صورت میں نماز کا حکم

صورتِ  مسئولہ میں سفر کے دوران اپنے  شہر کی آبادی کی حدود میں داخل ہوتے ہی آپ مقیم بن  جائیں گے،  اگرچہ آپ کا ارادہ یہاں رکنے کا نہیں،  بلکہ اپنا سفر جاری رکھنے کا ارادہ ہے، لہذا گھر کے قریب نماز کا وقت داخل ہونے کی صورت میں نماز پڑھنی ہوتو  آپ کو اِتمام (یعنی چار رکعت والی نماز میں چار رکعت پڑھنا) کرنا ہوگا، ورنہ  اپنے شہر کی  آبادی سے  باہر نکل کر قصر پڑھیں  گے۔

الجوہرۃ النیرۃ میں ہے:

"(قوله: وإذا دخل المسافر مصره أتم الصلاة وإن لم ينو المقام فيه) سواء دخله بنية الاجتياز أو دخله لقضاء حاجة؛ لأن مصره متعين للإقامة فلا يحتاج إلى نية."

(كتاب الصلاة، باب صلاة المسافر، ج:1، ص:87، ط:المطبعة الخيرية)

فتاوی شامی میں ہے:

"(قوله: حتى يدخل موضع مقامه) أي الذي فارق بيوته سواء دخله بنية الاجتياز أو دخله لقضاء حاجة لأن مصره متعين للإقامة فلا يحتاج إلى نية." 

(كتاب الصلاة، باب صلاة المسافر، ج:2، ص:124، ط:سعيد)

فقط واللہ اعلم