انڈروئیر میں نجاست لگنے کی صورت میں نماز پڑھنے کا حکم

صورتِ مسئولہ میں انڈیروئیرپر لگی نجاستِ مثلاً پیشاب، پاخانہ، منی، خون، پیپ وغیرہ کی مقدار اگر ا یک درہم  یعنی ہتھیلی کے گھیراؤ  کے برابر یا کم  ہے تو وہ نجاست معاف ہے یعنی اتنی نجاست کے ساتھ نماز اس حال میں ہو جائے گی؛ لیکن اس حالت میں نماز پڑھنا مکروہ ہے، اور اگر مذکورہ مقدار سے زائد ہو تو وہ معاف نہیں ہے لہذا بغیر دھوئے نماز نہیں ہوگی، اور اس دوران ااگر   بھول کر فرض یا واجب نماز پڑھ لی گئی تو اس نماز کے وقت کے اندر  اِعادہ (اسے دہرانا)  اور وقت گزرنے کے بعد قضا لازم ہے۔

فتاویٰ ہندیہ میں ہے:

"النجاسة إن كانت غليظة وهي أكثر من قدر الدرهم فغسلها فريضة والصلاة بها باطلة وإن كانت مقدار درهم فغسلها واجب والصلاة معها جائزة وإن كانت أقل من الدرهم فغسلها سنة وإن كانت خفيفة فإنها لا تمنع جواز الصلاة حتى تفحش. كذا في المضمرات".

(كتاب الطهارۃ، الباب الثالث في شروط الصلاة، الفصل الأول في الطهارة و ستر العورة، ج:1، ص:58، ط: مكتبه رشیدیه)

فقط و اللہ اعلم